Imprimir
|
Ampliar
O traballo
O traballo ocupaba a maior parte do tempo dos nosos devanceiros; os labores do campo marcaron gran parte da actividade dos veciños de Riotorto. Fotografías da sega ou das mallas son testemuñas dun pobo traballador e solidario.
Comentarios
Máis imaxes
Homenaxe á Pucheira
A popularidade da Pucheira á fronte da súa taberna das Rodrigas, onde despachaba os ricos "canastrillos" traídos de Mondoñedo, fixo que o 10 de Xullo do 1970, e coincidindo coa celebración do San Cristovo, o pobo de Riotorto lle rendise unha homenaxe polo seu labor como “mandadeira”, polos pucheiros de mel que lles levaba aos estudiantes, polas cartas que entregaba aos curas, comida e tabaco e demais favores que cumpríu aos riotortenses.
Nesa homenaxe, o alcalde de Riotorto, daquela, Don Wenceslao Besteiro Forneas, fíxolle entrega dunha cadea e unha medalla de ouro, un pucheiro e unha bandexa de prata e da Medalla ao Mérito no Traballo.
Dous anos despois deixou de sorrir logo de pasar por unha enfermidade, morreu nova, só tiña 74 anos.
As Rodrigas, 1970
Etiquetas: A Pucheira, Taberna
Arquivo: Casa do Veterinario