A pesar dos moitos traballos, tamén había tempo para o lecer: festas, merendas, romarías, ou simplemente momentos dos que dispuña a xente para xuntarse e divertirse.
Unha cita moi agardada polos nenos eran as representacións que se facían o día de Reis, pola mañá na igrexa de Espasande de Baixo e pola tarde na das Rodrigas. A preparación de pequenas obras de teatro e xogos infantís ocupaba as tardes do Nadal dos nenos de Riotorto entre os anos setenta e noventa. Nesta fotografía aparecen Primo do Curral e Paco do Veterinario nunha representación feita no Nadal de 1980
As Rodrigas, 1980
Arquivo: Casa do Veterinario